பொது சுகாதாரம் (ம) நோய்த் தடுப்பு மருந்து துறை

புற்றுநோய், நீரிழிவு, இதய நோய்கள் மற்றும் பக்கவாதம் கட்டுப்பாடு தேசியதிட்டம்
  1. தமிழ்நாட்டின் மக்கள் நலன்களை மேன்படுத்துவதற்காக ஏழை மற்றும் பின்தங்கியவர்களுக்கான உருவாக்கபட்டது தான் இந்த தொற்றாத நோய்கள் பிரிவு.
  2. தொற்றாத நோயால் ஏற்படும் மரணங்களை தடுப்பதற்காக ஆரம்ப சுகாதார நிலையங்களில் மற்றும் அரசு மருத்துவ மனைகளிலும் வரும் நோயாளிகளுக்கு தொற்றாத நோய்க்கான பாரிசோதனையும் மற்றும் சிகிச்சையும் அளிக்கப்படுகிறது.
  3. அனைத்து அரசு ஆரம்ப சுகாதார நிலையங்களிலும் மற்றும் அரசு மருத்துவ மனைகளிலும் தொற்றாத நோய்க்கான தனி பிரிவு அமைக்கப்பட்டுள்ளது.
  4. 18 வயது மேற்பட்டவர்களுக்கு சாக்கரை நோய் மற்றும் இரத்த அழுத்தம் கண்டறியும் வசதிகள் அமைக்கப்பட்டுள்ளது.
  5. 30 வயது மேற்பட்ட பெண்களுக்கு மார்பக புற்று நோய் மற்றும் கர்ப்பபை வாய் புற்று நோய் கண்டயறியும் வசதிகள் அமைக்கப்பட்டுள்ளது.
  6. மார்பக புற்று நோய் மற்றும் கர்ப்பபை வாய் புற்று நோய் உறுதி செய்வதற்காகவும் மேற்படி சிகிச்சைக்காகவும் அனுப்பபடுகிறார்கள்.
  7. தொற்றாத நோய்களினால் ஏற்படும் பின் விளைவுகளுக்கான சிகிச்சைக்கு அரசு மருத்துவ மனைகளுக்கு அனுப்பி வைக்கப்படுகிறார்கள்.
  8. தொற்றாத நோய்கள் பிரிவுகளில் படிவங்கள். அட்டைகள் மற்றும் பதிவேடுகள் அனைத்து ஆரம்ப சுகாதார நிலையங்களில் மற்றும் அரசு மருத்துவ மனைகளிலும் பராமரிக்கப்படுகிறது.
  9. தொற்றாத நோய்கள் பிரிவு சம்மந்தமான விவரங்களை இணையதளங்களில் பராமரிக்கவும் பகிரவும் படுகிறது.
தேசிய குழந்தைகள் நலவாழ்வு திட்டம்

தேசிய ஊரக நலத்திட்டத்தின் கீழ் தேசிய குழந்தைகள் நலவாழ்வு திட்டம் (RBSK) டிசம்பர் 2014ல் தொடங்கப்பட்டு செயல்படுத்தப்பட்டு வருகிறது. பிறந்த குழந்தைகள் முதல் 18 வயது வளரிளம் பருவத்தினர் வரை ஏற்படக்கூடிய பிறவிக்குறைபாடுகள், வளர்ச்சிக்குறைபாடுகள், ஊட்டச்சத்து குறைபாடுகள் மற்றும் நோய்கள் ஆகியவற்றை கண்டறிந்து அவற்றிற்கான சிகிச்சைகளை மேற்கொள்வதே இத்திட்டத்தின் முக்கிய நோக்கமாகும். ஆரம்ப நிலையிலேயே வளர்ச்சி குறைபாடுகள் மற்றும் இதர குறைபாடுகள் கண்டுபிடிக்கப்படுவதால், அக்குறைபாடுகளை துரித நிலையில் குணப்படுத்த இத்திட்டம் வழிவகுக்கிறது. இத்திட்டத்தினை செயல்படுத்த ஒவ்வொரு வட்டாரத்திலும் இரண்டு நடமாடும் மருத்துவ குழுக்கள் வீதம் மாவட்டம் முழுவதும் 12 குழுக்கள் செயல்பட்டு வருகின்றன. இக்குழுக்கள் தங்கள் வட்டாரத்தில் உள்ள அனைத்து அங்கன்வாடி மையங்கள், அரசு மற்றும் அரசு உதவி பெறும் பள்ளிகளுக்கு சென்று குழந்தைகளை பரிசோதித்து, சிறிய பிரச்சினைகளுக்கு அங்கேயே சிகிச்சை மேற்கொள்கின்றனர். இதர நோய்களுக்கான சிகிச்சைகளுக்கு பரிந்துரை செய்யப்படுகிறது. 6-ம் வகுப்பிற்கு மேற்பட்ட மாணவியர்களை பெண் மருத்துவ அலுவலர் குழுவும், மாணவர்களை ஆண் மருத்துவ குழுவும் 25 கருவிகள் உள்ளடக்கிய குழந்தைகள்நல பரிசோதனை பெட்டகத்தைக்கொண்டு பிரத்யேகமாக பரிசோதனை செய்கிறார்கள்.

டாக்டர் முத்துலெட்சுமி ரெட்டி மகப்பேறு நிதியுதவி திட்டம்

ஏழை கர்ப்பிணி தாய்மார்களுக்கு கர்ப்ப காலத்தில் சத்தான உணவுக்கு ஆகும் செலவை மேற்கொள்ளல், கர்ப்ப காலத்தில் ஏற்படும் வருமான இழப்பை ஈடு செய்தல், குறைந்த எடையுள்ள குழந்தைகள் பிறப்பதை தடுத்தல் போன்ற உயரிய நோக்கங்களுக்காக நிதியுதவி வழங்கிட டாக்டர் முத்துலெட்சுமி ரெட்டி மகப்பேறு நிதியுதவி திட்டம் செயல்படுத்தப்பட்டு வருகிறது. ஒரு பயனாளிக்கு வழங்கப்பட்டு வந்த நிதியுதவி 6000 ரூபாய் என்று இருந்ததை மாண்புமிகு முதலமைச்சர் அவர்கள் 01.06.2011 முதல் 12000 ரூபாயாக உயர்த்தி ஆணையிட்டுள்ளார் இந்த நிதியுதவி நிபந்தனைகளின் பேரில், மூன்று தவணைகளாக இரண்டு மகப்பேறுகளுக்கு மட்டும் வழங்கப்படுகிறது. 01.10.2012 முதல் பயளாளிகளுக்கு நோரிடையாக அவர்களது வங்கி கணக்கில் மின்னணு பகிர்மான முறை (ECS) மூலம் வழங்கப்படுகிறது. கர்ப்ப காலத்தில் அரசு மருத்துவமனைகளில் கர்ப்பகால சேவைகளை பெற்றுக்கொண்ட கர்ப்பிணிகளுக்கு பிரசவத்திற்கு முன்பு முதல் தவணையும், அரசு மருத்துவமனைகளில் பிரசவித்த கர்ப்பிணிகளுக்கு இரண்டாவது தவணையும், குழந்தைகளுக்கு அனைத்து தடுப்புசிகளும் பெற்றுக்கொண்ட பின் மூன்றாவது தவணையும் வழங்கப்படுகிறது. புலம்பெயர்ந்த இலங்கை அகதிகளும் இத்திட்டத்தின் கீழ் பயன்பெற தகுதியுடையவர் ஆவர். இத்தொகை தற்போது நபர் ஒருவருக்கு ரு.18.000 வீதம் உயர்த்தப்பட்டுள்ளது.

விலையில்லா சானிடாரி நாப்கின் வழங்கும் திட்டம்

வருடத்திற்க்கு 2 மாதத்திற்க்கு ஒரு முறை (12) பாக்கெட் எண்ணிக்கை 10-19 வயதில் உள்ள வளர் இளம் பெண்களுக்கு தரப்படுகிறது.

வராந்திர இரும்பு சத்து மாத்திரை வழங்கும் திட்டம்

பிரதி வாரம் வியாழன் தோறும் இரும்பு சத்து மாத்திரை 10-19 வயது (6 முதல் 12 வகுப்பு) மாணவ. மாணவியருக்கு வழங்கப்படுகிறது.

தேசிய குடற்புழு நீக்கம்

வருடத்திற்கு இருமுறை ( பிப்ரவரி மற்றும் ஆக்ஸ்ட் மாதங்களில் நடைபெறுகிறது. (1-19 வயது) பள்ளி செல்லும் குழந்தைகளுக்கு வழங்கப்படுகிறது.

வைட்டமின் A திரவம் வழங்குதல்

வருடத்திற்க்கு இருமுறை (செப்டம்பர் மற்றும் மார்ச்) மாதங்களில் 6 மாதம் முதல் 60 மாதம் வரை உள்ள குழந்தைகளுக்கு வழங்கப்படுகிறது.

பிறப்பு இறப்பு பதிவு முறை

மத்திய பிறப்பு இறப்பு பதிவுச்சட்டம் 1969ன் படி, அனைத்து பிறப்பு இறப்புகளை பதிவு செய்வது 01.04.1970 முதல் தமிழகத்தில் கட்டாயமாக்கப்பட்டுள்ளது. பிறப்பு இறப்பு பதிவு சட்டத்தின் படி பிறப்பு மற்றும் இறப்புகளை அவை நிகழ்ந்த இடத்திலேயே 21 நாட்களுக்குள் பிறப்பு இறப்பு பதிவாளரிடம் பதிவு செய்வது கட்டாயமாகும். தமிழ்நாடு பிறப்பு இறப்பு விதிகள் 2000 ன் படி பிறப்பு இறப்பு பதிவுகள் பதிவு செய்யப்பட்டு வருகின்றன. அரியலூர் மாவட்டங்களில் உள்ள 241 பிறப்பு இறப்பு பதிவு மையங்கள் மூலம் வருவாய் துறை , பேரூராட்சி , நகராட்சி நிர்வாகம் மற்றும் பொது சுகாதார துறைகளை சார்ந்த பிறப்பு இறப்பு பதிவாளர்களால் பிறப்பு இறப்பு பதிவு நடைபெற்று வருகிறது. அரியலூர் மாவட்டத்தில் தற்பொழுது பிறப்பு இறப்பு பதிவில் 100 விழுக்காடு அடைந்துள்ளது.

சட்டப்பேரவையில் அறிவித்தபடி சென்னை மாநகராட்சி போன்றே அரியலூர் மாவட்டம் முழுவதும் பொதுமக்கள் பிறப்பு இறப்பு சான்றிதழை இணையதளம் மூலமாக, பதிவிறக்கம் செய்துகொள்ளும் வசதி ஏற்படுத்தப்பட்டுள்ளது. அதன்படி பொது சுகாதாரத் துறையால் உருவாக்கப்பட்ட புதிய பிறப்பு இறப்பு பதிவு மென்பொருளினை 01.10.2017 முதல் பிறப்பு இறப்பு பதிவு குறித்து தொடர்புடைய அனைத்து துறைகளிலும் அமல்படுத்திட அரசு ஆணை எண். 351 மக்கள் நல்வாழ்வு மற்றும் குடும்ப நலத்துறை (AB2) நாள். 09.10.2017 ஆணையிடப்பட்டது 1.10.2017 முதல் மேற்குறிப்பிட்ட மென்பொருள் மாவட்டம் முழுவதும் செயல்படுத்தப்பட்டு வருகிறது.

அரசு ஆணையில் அனைத்து பிரசவித்த தாய்மார்களுக்கு ஆர்.சி.ஹெச் அடையாள எண் (RCH ID) வழங்க வேண்டுமென்பது குழந்தையின் பிறப்பினை பதிவு செய்வதற்காக கட்டாயமாக்கப்பட்டுள்ளது. இதன் மூலம் அனைத்து பிரசவித்த தாய்மார்களுக்கும் பிறந்த பச்சிளங்குழந்தைகளுக்கும் தாய்சேய் நல சேவைகள் கிடைத்ததை உறுதி செய்ய வழிவகை செய்யப்பட்டுள்ளது.

அரியலூர் மாவட்டத்தில் உள்ள ஊராட்சி பகுதிகளில் அமைந்துள்ள , மாவட்ட தலைமை மருத்துவமனை, தாலுக்கா மற்றும் தாலுக்கா அல்லாத மருத்துவமனைகளில் நிகழும் பிறப்பு இறப்பு பதிவுகளை உடனடியாக பதிவு செய்திடவும் அம்மருத்துவமனையை விட்டு செல்லும் முன் பிறப்பு இறப்பு சான்றிதழ் வழங்கிட பொது சுகாதாரத் துறையின் பல்நோக்கு மற்றும் சுகாதார மேற்பார்வையாளர்களை பிறப்பு இறப்பு பதிவாளர்களாக நியமித்திடவும், பேரூராட்சி, நகராட்சி மற்றும் மாநகராட்சி பகுதிகளில் துப்புரவு ஆய்வாளர் மற்றும் செயல் அலுவலர்களை பிறப்பு இறப்பு பதிவாளர்களாக மேற்குறிப்பிட்ட அரசு மருத்துவமனைகளில் நியமித்திடவும் அரசு ஆணை எண். 353 மக்கள் நல்வாழ்வு மற்றும் குடும்ப நலத்துறை (AB2) நாள்.09.10.2017 ஆணையிடப்பட்டுள்ளது.

தேசிய தடுப்பூசி அட்டவணை
எப்பொழுது கொடுக்க வேண்டும் தடுப்பூசி மருந்து தடுப்பூசி மருந்தின் அளவு கொடுக்கும் முறை கொடுக்க வேண்டிய இடம்
குழந்தை பிறந்தவுடன் BCG (காசநோய்) (0.05 ml -1 மாதம் வரை) 0-1 ml ஒரு மாதத்திற்குமேல் தோலுக்குள் இடது மேல் கை
HEP-B பிறந்த 24 மணி நேரத்தில் 0.5ml தசை வழியாக முன் நடுத்தொடையின் வெளிப்புற பகுதி இடது
OPV-0 2 சொட்டுகள் வாய் வழியாக வாய் வழியாக
6வது வாரம், 10வது வாரம் & 14வது வாரம் OPV-1,2&3 2 சொட்டுகள் வாய் வழியாக வாய் வழியாக
Pentavelent 1,2&3 0.5ml தசை வழியாக முன் நடுத்தொடையில் வெளிப்புறபகுதி இடது
Rota Vaccine 1,2&3 5 சொட்டுகள்; வாய் வழியாக வாய் வழியாக
6& 14 வது வாரம் IPV-1 and 2 0.1ml தோலுக்குள் வலது மேல் கை
9 மாதங்கள் நிறைவு பெற்ற பின் ( 270 நாட்களுக்கு பிறகு) MR முதல் தவணை 0.5ml தோலுக்கு கீழ் வலது மேல் கை
JE முதல் தவணை 0.5ml தோலுக்கு கீழ் இடது மேல் கை
16-24 மாதத்திற்குள் DPT  (ஊக்குவிப்பு முதல் தவணை) 0.5ml தசை வழியாக முன் நடுத்தொடையின் வெளிப்புற பகுதி இடது
MR 2- ஆம் தவணை 0.5ml தோலுக்கு கீழ் வலது மேல் கை
JE 2- ஆம் தவணை 0.5ml தோலுக்கு கீழ் இடது மேல் கை
OPV – ஊக்குவிப்பு 2 சொட்டுகள் வாய் வழியாக வாய் வழியாக
5-6 வருடத்தில் DPT  (ஊக்குவிப்பு 2- ஆம் தவணை) 0.5ml தசை வழியாக மேல் கை
10. 16 வது வருடம் TT 0.5ml தசை வழியாக மேல் கை
கருவுற்ற தாய்மார்களுக்கு இரண ஜன்னி தடுப்பூசி (TT) TT-1 தாய் கருவுற்றுள்ளார் என்று தெரிந்தவுடன் 0.5ml தசை வழியாக மேல் கை
TT-2 – ( TT-1 கொடுத்த 4வது வாரம் கழித்து)

0.5ml தசை வழியாக

மேல் கை
TT-2 –Booster (முந்தைய கர்ப்பத்திலிருந்து 3 வருடங்களுக்குள் இருந்தால் ஒரு ஊக்குவிப்பு) 0.5ml தசை வழியாக

மேல் கை
வளர்இளம் பருவத்தினர் நலதிட்ட மையம்

இத்திட்டதின்கீழ் வளர் இளம்பருவத்தினருக்கான (10 முதல் 19 வரை வயதினருக்கான) உடல்சார்ந்த மற்றும் மனம்சார்ந்த மனோரீதியான ஆலோசனைகள், வட்டார ஆரம்ப சுகாதார நிலையங்கள், அரசு மருத்துவமனைகள், அரசு மருத்துவகல்லூரி மருத்துவமனைகளில் ஆலோசகர்கள் மூலமாக வழங்கப்படுகிறது.

கொசு ஒழிப்பு பணியாளர்கள் மூலம் தடுப்பு நடவடிக்கைகள்
டிபிசி பணியாளர்கள் மூலம் மேற்கொள்ளப்படுகிறது.

1. டெங்கு பாதித்த பகுதிகள்.
2. காய்ச்சல் கண்ட பகுதிகள்
3. கொசுக்கள் அடர்த்தி அதிகமாக காணப்பட்ட பகுதிகள்
4. கொள்ளைநோய் ஏற்பட்ட பகுதிகள்
5. கட்டுமானம் நடைபெறும் இடங்கள், தொழிற்சாலைகள் உள்ள பகுதிகள் , திரையரங்குகள், திருமண மண்டபங்கள், ஹோட்டல்கள், வழிபாட்டு தலங்கள், குடியிருப்பு பகுதிகள் , பள்ளி கல்லூரிகள்

ஓவ்வொரு வட்டாரத்திலும் நியமிக்கப்பட்டுள்ளது அக்குழுக்கள் டிபிசி பணியாளார்களுடன் வீடுவீடாக சென்று 1) தண்ணீர் சேமிக்கும் கலங்கள் துறை அல்லது மூடி போட்டு மூடி வைக்கவும் 2) கொசுக்கள் உற்பத்தியாக வாய்ப்புகள் உள்ள தேவையில்லாத பொருட்களான , டயர்கள், தேங்காய் சிரட்டைகள் , பிளாஸ்டிக் கப்கள், பாலிதீன் பைகள், தெர்மோகோல் பெட்டிகள் முதலானவற்றை அகற்றவும் அறிவுறுத்திகிறார்கள்..

முகாம்கள்

காய்ச்சல்கள் மற்றும் டெங்குவால் பாதிக்கப்பட்ட பகுதிகளில் மருத்துவம் முகாம்கள் நடத்தப்படுகின்றன.

சிகிச்சைகள்

அரசு மருத்துமனை மற்றும் அரசு மருத்துவக்கல்லூரி மருத்துமனைகளில் காய்ச்சலுக்கான தனியரங்குகள் ஏற்படுத்தப்படுகிறது. மேலும் நோயாளிகளுக்கு நிலவேம்பு குடிநீர், ஓஆர்எஸ் கரைசல் முதலான சிகிச்சை வழங்கப்படுவதுடன் பப்பாளி இலைச்சாறு, மலைவேம்பு இலைச்சாறு போன்றவை தயாரிப்பது பற்றிய அறிவுரைகள் வழங்கப்படுகிறது.

கொசுப்புழு உற்பத்தி கண்காணித்தல்

மாவட்ட பூச்சியியல் வல்லுநர்கள் மற்றும் இளநிலை பூச்சியியல் வல்லுநர்கள் ஆகியோர்களைக்கொண்டு கொசுப்புழு உற்பத்தியின் அடர்த்தி கணக்கிடப்பட்டு அவை அதிகமாக உள்ள பகுதிகளை சம்மந்தப்பட்ட உள்ளாட்சி அமைப்புகள் மற்றும் விரைவாக செயல்படும் குழுக்களுக்கு அறிவித்து, தடுப்பு நடவடிக்கை மேற்கொள்ளப்படுகிறது..

அபராதம் விதித்தல்

பொதுசுகாதார சட்டத்தின் மூலம் கொசுப்புழுக்கள் உற்பத்திக்கு காரணமான தனியார்கள், தொழிற்சாலை நிர்வாகிகள், கடைகள் போன்றவர்களுக்கு அபராதம் விதிக்கப்படுகிறது.

நலக்கல்வி

மக்களால் தேர்ந்தெடுக்கப்பட்ட உள்ளாட்சியைச் சார்ந்த தலைவர்கள், உறுப்பினர்கள் மற்றும் சட்டமன்ற உறுப்பினர்கள், பள்ளி கல்லூரி மாணவ மாணவிகள் மற்றும் பொதுமக்களுக்கு டெங்கு தொடர்பான விழிப்புணர்வு ஏற்படுத்தப்படுகிறது.

மருத்துவ அலகுகள்
மருத்துவ அலகு எண்ணிக்கை
அரசு மருத்துவக் கல்லூரி 0
மாவட்ட தலைமை மருத்துவமனை 1
வட்ட மருத்துவமனைகள் 3
பிரதான ஆரம்ப சுகாதார நிலையங்கள் 6
ஆரம்ப சுகாதார நிலையங்கள் 36
கூடுதல் ஆரம்ப சுகாதார நிலையங்கள் 30
நகர்ப்புற ஆரம்ப சுகாதார நிலையங்கள் 2
நடமாடும் மருத்துவமனைகள் 6
துணை சுகாதார நிலையங்கள் 117
இந்திய முறை மருத்துவப் பிரிவுகள் 4
நிர்வாக அமைப்பு

Health-Admin Setup

ஆரம்ப சுகாதார நிலையங்களின் மின்னஞ்சல் மற்றும் தொலைபேசி எண்கள் – சொடுக்குக (PDF 64 KB)